.

Ministri në Detyrë për Evropën dhe Punët e Jashtme, Gent Cakaj gjatë qëndrimit të tij në SHBA, në kuadër të ministerialit të Koalicionit Global Kundër ISIS, zhvilloi një seri takimesh me përfaqësues të lartë të administratës, Kongresit dhe Senatit amerikan, si dhe me homologë të tij, Ministra të Punëve të Jashtme të disa vendeve evropiane.

Ju njoftojmë se në datat 28 shkurt deri në 2 mars 2019 do të zhvillohet në Shqipëri Samiti i Dytë i Diasporës.
Ky aktivitet do të zhvillohet nën kujdesin e veçantë të Kryeministrit Edi Rama në bashkëpunim me Ministrin e Shtetit për Diasporën.
Qëllimi i Samitit është vlerësimi i të gjitha aktiviteteve dhe angazhimeve të ndërmarra gjatë punimeve të Samitit të Parë të Diasporës, si dhe të krijojë disa struktura të reja që do të koordinojnë dhe ndjekin në vijimësi realizimin e çështjeve që do të ngrihen në Samitin e Dytë.

Për të dytin vit rrjesht ftohen të marrin pjesë të rinjtë shqiptarë që studiojnë në SHBA, të cilët kanë interes të për të njohur nga afër mënyrën e funksionimit të institucioneve amerikane, format e bashkëpunimit me qeverinë dhe shtetin shqiptar, zhvillimin e partneritetit mes dy vendeve, fushat e bashkëpunimit, rëndësinë që ka për Shqipërinë partneriteti strategjik me SHBA-në, etj.
Kjo mundësi iu ofrohet studentëve shqiptarë dhe shqiptaro-amerikanë, ndër të cilët prioritet do t’iu jepet studentëve në nivel Master dhe PhD.