Ambasada e RSH-së në Uashington organizoi një aktivitet të veçantë dhe domethenës me rastin e daljes në pension të personalitetit në fushën e informimit, gazetares së njohur të Zërit të Amerikës dhe figurës së dashur të shqiptarëve, zonjës Laura Konda.
Në fjalën e rastit, Ambasadorja Faber vuri në dukje rolin e veçantë të znj. Konda tek Zëri i Amerikës, ku ajo ka shërbyer për 20 vite, duke u bërë një figurë shumë e dashur për publikun shqiptar, pasi spikati që në fillimet e saj për korrektesën dhe profesionalizmin duke bërë kështu të mundur kryerjen me sukses të detyrës.

Ambasadorja Floreta Faber zhvilloi një takim me Ambasadoren e Shteteve të Bashkura të Meksikës në Uashington DC, Martha Barena.
 
Në takim u ndanë ide dhe mendime mbi mundësitë e intensifikimit të marrëdhënieve diplomatike nëpërmjet zhvillimit të konsultimeve diplomatike ndërmjet dy Ministrive të Punëve të Jashtme, bashkëpunimit ekonomik si edhe nxitjen në fushën e turizmit.
 
Gjithashtu, biseda u përqëndrua në mundësinë e lehtësimit të vizave, një proces për të cilin po punohet intensivisht.

Gjatë vizitës në Kaliforni, Ambasadorja Faber u mirëprit në një takim miqësor me përfaqësues të komunitetit shqiptar, biznesmenë dhe të rinj profesionistë në fusha të ndryshme në Los Anxhelos. Pjesëmarrësit diskutuan mbi mënyrën e organizimit të komunitetit në këtë zonë, si edhe projektet e tyre në këtë kuadër. Theksi u vu në rëndësinë e ruajtjes së traditave dhe vlerave tona kombatëre si edhe përçuarjen e tyre tek brezi i ri.

Zhvilluam konsultimet e fundit me znj. Susan Falatco, në cilësinë e saj si Drejtore e Evropës Qendrore dhe Jugore në Departamentin Amerikan të Shtetit, pasi ajo do të marrë detyrën e saj të radhës në Ambasadën amerikane në Slloveni.
 
Ambasadorja Faber e uroi znj. Falatco për detyrën e saj dhe i shprehu mirënjohjen e thellë për bashkëpunimin e frytshëm dhe vëmendjen e saj ndaj vendit tonë.
Znj. Falatco është një mike e Shqipërisë dhe e Rajonit të Ballkanit Perëndimor.