Articles

Hapja graduale e fluturimeve SHBA-Shqipëri

Albanian

Qeveria shqiptare i është përgjigjur të gjithë kërkesave të qytetarëve shqiptar që ishin të detyruar të udhëtonin nga Shtetet e Bashkuara drejt Shqipërisë në këto kohë tepër të vështira të Covid-19.  Gjatë muajve të fundit, Ambasada e Republikës së Shqipërisë, ka mbështetur riatdhesimin e mbi 600 qytetarëve nga SHBA drejt Shqipërisë.

 

Procesi riatdhesimit data 6 maj 2020!

Albanian

Një mundësi tjetër riatdhesimi për qytetarët shqiptarë që ndodhen në Shtetet e Bashkuara do të ofrohet përmes udhëtimit me itinerarin: Nju Jork-Londër-Tiranë. 

Riatdhesimi i qytetarëve shqiptar 29 prill 2020!

Albanian

Riatdhesimi i qytetarëve shqiptarë që ndodhen në Shtetet e Bashkuara do të ofrohet përmes udhëtimit me itinerarin Nju Jork-Romë-Tiranë.
Nisja me datën 29 prill pasdreke nga Aeroporti JFK nëpërmjet kompanisë Alitalia (fluturim komercial) që mbërrin në Romë më datë 30 Prill. Fluturimi tjetër drejt Tiranës përmes Air Albania (fluturim riatdhesimi) arrin në Tiranë po me datën 30 prill në darkë dhe prej andej udhëtarët do të drejtohen menjëherë drejt hoteleve ku do kryhet karantina.

Njoftim mbi fluturimin drejt Shqipërisë

Albanian

Në se je qytetar shqiptar që ndodhesh momentalisht në SHBA dhe dëshiron të udhëtosh drejt Shqipërisë, ky udhëtim mund të realizohet duke u koordinuar me  procesin e riatdhesimit me Air Albania që operon nga qyteti i Frankfurtit (Gjermani), Vjena (Austri), Roma dhe Milano (Itali).
Në çdo rast ju mund të fluturoni nga SHBA drejt Europës, të qëndroni tranzit në aeroportin që keni zgjedhur, dhe më pas të merrni fluturimin e Air Albania drejt Tiranës.

Njoftim mbi procesin e riatdhesimit

Albanian

Të nderuar qytetarë shqiptarë!

Për informacion mbi procesin e riatdhesimit nga disa qytete europiane, ju lutem klikoni ne linkun e mëposhtëm:

https://www.airalbania.com.al/sq/reparation-information

Për çdo paqartësi lidhur me këtë procedurë jeni të lutur të kontaktoni në telefon dhe WhatsApp nga ora 8.00 deri në ora 18.00 (ora në Tiranë) në numrat e vendosur në dispozicion nga Ministria e  Infrastrukturës dhe Energjisë:

‪+355 4 224 60 00‬

‪+355 69 80 47 619‬

Procedura riatdhesimi!

Albanian

Të dashur bashkëkombas,
Si më poshtë përcjellim njoftimin për riatdhesimin e qytetarëve shqiptar nga vendet Europiane.
Për çdo pyetje lidhur me këtë procedurë jeni të lutur të kontaktoni në telefon dhe WhatsApp nga ora 8.00 deri në ora 18.00 me oren e Tiranës në numrat e vendosur në dispozicion nga Ministria e Infrastrukturës dhe Energjisë:

Njoftim 28 mars 2020

Albanian

 

Të nderuar bashkëkombas,

Në vijim të njoftimeve mbi gjëndjen e emergjencës së shpallur për shkak të COVID-19, ju informojmë se duke filluar prej datës 27 mars, të gjitha udhëtimet nga SHBA drejt Evropës dhe më tej drejt Shqipërisë janë mbyllur. Qytetarët që e kanë pasur të domosdoshme largimin në Shqipëri janë, janë larguar nëpërmjet kompanisë “Turkish Airlines” e cila ka operuar në itinerarin SHBA-Stamboll-Tiranë deri më datë 27 mars.  

Në këto kushte, ju lutem ndiqni faqen e Ambasadës deri në një njoftim të dytë për hapjen e fluturimeve.

Njoftim 26 mars 2020

Albanian

Të nderuar bashkëkombas,

Në vijim të njoftimeve mbi gjëndjen e emergjencës së shpallur për shkak të COVID-19, i bëjmë sërish thirrje të gjithë shtetasve shqiptarë që jetojnë në SHBA, të qëndrojnënë shtëpi si edhe të kufizojnë maksimalisht udhëtimet dhe lëvizjet që nuk janë të domosdoshme.

Gjithashtu, këshillojmë që të kufizohen udhëtimet drejt Shqipërisë përveç rasteve me rëndësi të veçantë. Në këto raste, ju bëjmë me dije se udhëtimet nga SHBA drejt Shqipërisë vijojnë me Turkish Airlines i cili operon 3 herë në javë nga Nju Jork dhe Uashington DC.

Mbi udhëtimin drejt Shqipërisë

Albanian

           
Të dashur bashkëkombas,
 
Gjendja e emergjencës e shpallur për shkak të COVID-19 ka sjellë kufizime tepër të mëdha në fluturimet e SHBA-ve drejt Evropës dhe më tej drejt Tiranës. Nisur nga masat e ndërmarra nga qeveria shqiptare  si edhe vendet e Bashkimit Evropian, vetëm një numër tepër i kufizuar kompanish ajrore janë të lejuara të fluturojnë drejt aeroportit të Tiranës.
Itineraret e këtyre fluturimeve ndryshojnë në baza ditore, në varësi të situatës.

Pages

Postal Address

Embassy of the Republic of Albania
2100 S Street, NW
Washington DC 20008

Tel / Fax

Tel.: +1-202-223 4942
Fax: +1-202-628 7342
Nr e emergjences: +1 347 241 4434
+ 1 202 758 9526;

E-MAIL

embassy.washington@mfa.gov.al

OPENING TIMES

Monday to Friday
09:00 - 15:00