Zhvillohet takimi i Ministrave të Jashtëm të Ballkanit Perëndimor me Komisionerin Evropian për Politikën e Fqinjësisë dhe Negociatat e Zgjerimit, Johannes Hahn

Në kuadër të punimeve të Sesionit të 71-të të Asamblesë së Përgjithshme të OKB-së, Ministri Bushati mori pjesë në takimin e Ministrave të Punëve të Jashtme të vendeve të Ballkanit Perëndimor me Komisionerin Evropian për Politikën e Fqinjësisë dhe Negociatat e Zgjerimit, Johannes Hahn, të organizuar me iniciativë të Ministrit të Punëve të Jashtme të Austrisë, Sebastian Kurtz.
 
Fokusi i takimit ishte diskutimi mbi angazhimet e marra nga vendet e rajonit në fushën e infrastrukturës dhe energjisë, në vazhdën e Samitit të Parisit për Ballkanin Perëndimor.
 
Gjatë fjalës së tij, Ministri Bushati u ndal mbi ecurinë e krijimit të zyrës së Fondit të Ballkanit Perëndimor me seli në Tiranë, si hap i qartë që dëshmon një rol në rritje të Shqipërisë në lidhje me politikën e jashtme në rajon dhe procesin e bashkëpunimit rajonal, në funksion të normalizimit të klimës së marrëdhënieve politike dhe ekonomike ndërmjet vendeve tona.
 
Gjithashtu Ministri Bushati u ndal në krijimin e Zyrës Rajonale për Bashkëpunimin Rinor, si shenjë e vullnetit politik dhe vizionit të ri, për një rajon të paqtë në frymën e mirëkuptimit, tolerancës dhe miqësisë, për të nxitur pajtimin dhe bashkëpunimin e për të inkurajuar distancimin e të rinjve nga fenomenet e ndasive, ksenofobisë dhe gjuhës së urrejtjes.
 
Duke u ndalur në sfidat e sigurisë me të cilat përballet sot rajoni e me gjerë, Ministri Bushati evidentoi rolin dhe kontributin gjithnjë në rritje të rajonit në arkitekturën e sigurisë në kontinent, si dhe faktin se adresimi i këtyre sfidave ka nxjerrë në pah ndërvarësinë mes vendeve të Ballkanit Perëndimor dhe BE-së në përballimin me sukses të tyre.  

Adresa

Ambasada Shqiptare
33 St. George\'s Drive,
London SW1V 4DG

Tel / Fax

Tel: +44(0) 20 7828 8897
Fax.+44 (0) 77 8562 8137
Emergency call:
+44 (0) 75 18662630

E-MAIL

embassy.london@mfa.gov.al
consular.london@mfa.gov.al

Orari zyrtar

E hënë- E premte
09:00 - 17:00
Shërbimi Konsullor:
E hënë, E mërkurë
09:00-14:00
Pasaportat: E marte, E Enjte 09:00-12:00