Mbledhja e ministrave të jashtëm të SEECP ne Antalya, Turqi.

Ministri në detyrë për Evropën dhe Punët e Jashtme i Shqipërisë, Gent Cakaj, me 6 Nentor ka marrë pjesë në takimin mes kryediplomatëve të vendeve anëtare të Procesit të Bashkëpunimit të Evropës Juglindore (SEECP) në Antalya të Turqisë, ku është takuar edhe me kryediplomatin turk, Mevlüt Çavuşoğlu.
Në lidhje me këtë takim, ministri Cakaj në rrjetet sociale ka shkruar se me ftesë të ministrit të Jashtëm të Turqisë, Mevlüt Çavuşoğlu, "morëm pjesë në mbledhjen e ministrave të jashtëm të SEECP për të biseduar për mënyrat e reja të bashkëpunimit mes vendeve tona në luftën kundër COVID-19".
"Po ashtu, theksuam domosdoshmërinë e një bashkëpunimi të thelluar politik dhe institucional mes vendeve të Evropës Juglindore, për të rritur bashkëpunimin në fushën e sigurisë, shtuar cilësinë e burimeve njerëzore, zhvilluar ndërlidhjen infrastrukturore dhe forcuar lidhjen në fushën e turizmit, arsimit dhe kulturës", ka shkruar Cakaj.
Më tej, Cakaj ka theksuar se Shqipëria do të vazhdojë "pjesëmarrjen aktive dhe kontributin përmbajtësor në nismat e bashkëpunimit rajonal".
Takimi në Antalya u mbajt me iniciativën e Turqisë, e cila këtë vit ka kryesimin e radhës të Procesit të Bashkëpunimit të Evropës Juglindore (SEECP).
SEECP përfshin 13 vende nga Evropa Juglindore dhe promovon bashkëpunimin rajonal në sektorë të ndryshëm.

Adresa

Ambasada Shqiptare
Ebu Ziya Tevfik sok. No. 17,
Çankaya, Ankara

Tel / Fax

Tel. +90312 4416103
Fax.+ 90312 4416109
Nr. i emergjences :+90 544 962 26 17

E-MAIL

embassy.ankara@mfa.gov.al

Orari zyrtar

E hënë- E premte
09:00 - 17:00