Gjatë qëndrimit në Uashington Ministri në Detyrë Cakaj, zhvilloi një takim në Departamentin Amerikan me Zëvendës Ndihmës Sekretarin e Shtetit për Çështjet Evropiane dhe të Euroazisë, z.Matthew Palmer.
Gjatë këtij takimi Ministri në Detyrë Cakaj dhe z. Palmer shkëmbyen mendime në lidhje me zhvillimet më të fundit në Ballkanin Perëndimor, rolin e Shqipërisë atje, marrëdhëniet e saj me vendet fqinje, si dhe perspektivat integruese të vendeve të rajonit në strukturat euro-atlantike.

Presidenti Meta merr pjesë në Forumin e 7-të Global të Bakusë, me temë “Një Politikë e Jashtme e Re”: Të përkushtuar ndaj bashkëpunimit rajonal dhe forcimit të multilateralizmit.
Baku, Azerbajxhan
Presidenti i Republikës, Sh.T.Z. Ilir Meta, i ftuar në Forumin e 7-të Global të Bakusë, me temë: “Një Politikë e Jashtme e Re”; mbajti sot një fjalë përshëndetëse në ceremoninë e hapjes, krahas Presidentit të Azerbajxhanit, Ilham Aliyev dhe liderëve të tjerë pjesëmarrës në të.

Ministria për Evropën dhe Punët e Jashtme njofton se, me Vendim të Këshillit të Ministrave Nr.90, Datë 27.02.2019 “Për përcaktimin e kritereve, procedurave, e të dokumentacionit për hyrjen, qëndrimin dhe trajtimin e të huajve në Republikën e Shqipërisë”, është vendosur që shtetasit nga  Rusia, Arabia Saudite, Bjellorusia, Katari, Omani,Tailanda, Bahrejni  mund të hyjnë pa vizë në Republikën e Shqipërisë për periudhën 1 prill – 31 tetor 2019.
Për shtetasit nga Republika Popullore e Kinës ky vendim është i vlefshëm për periudhën 1 mars – 31 tetor 2019.

Vazhdojnë takimet intensive në Bruksel të Ministrit në Detyrë Cakaj me ndalesën e radhës në zyrat e Komisionit Evropian ku u takua me Komisionerin për Zgjerim, Johannes Hahn.
Gjatë takimit u diskutua mbi ecurinë e reformave të lidhura me agjendën evropiane dhe pritshmëritë për një vlerësim pozitiv të tyre në raportin e Komisionit dhe vendimmarrjen e vendeve anëtare në qershor.