Cakaj vijon vizitën në Suedi, takon Wallensteen: Integrimi, Këshilli i Sigurimit dhe thellimi i bashkëpunimit, pikat ku kemi mbështetje maksimale

Gjatë vizitës zyrtare në Stokholm, Ministri në detyrë për Evropën dhe Punët e Jashtme, zhvilloi një takim edhe me Sekretaren e Shtetit në Kryeministri, Karin Wallensteen.
Ndër temat e diskutuara në takim ishte edhe angazhimi i përbashkët në kuadër të OSBE-së, në rrafshin politik, ekonomik dhe njerëzor.
“Duke pasur parasysh se Suedia do të marrë Kryesinë e OSBE-së menjëherë pas Shqipërisë, këmbyem informacionin e nevojshëm dhe bashkërenduam veprimet në shërbim të një bartje sa më të suksesshme të Kryesisë për vitin e ardhshëm.”- u shpreh Cakaj në një reagim në Facebook lidhur me takimin e zhvilluar.
Gjithashtu, Kryediplomati Cakaj theksoi se Suedia mbështet synimin e Shqipërisë për ulësen e anëtarit jo të përhershëm në Këshillin e Sigurimit.
Në takimin e Ministrit në detyrë Cakaj me Sekretaren e Shtetit Wallensteen, diskutimi u fokusua gjithashtu edhe në rrugën evropiane të Shqipërisë, rëndësinë e vazhdimit të reformave dhe mbështetjen politike të Suedisë deri në anëtarësimin e plotë të vendit tonë në Bashkimin Evropian.

Adresa

Ambasada Shqiptare
Capllavägen 7, 181 32
LIDINGÖ, Stockholm

Tel / Fax

Tel. +46 8 7310920
Tel. emergjence
+46 73 57 42 350
Orari i pritjes se telefonatave: 10:00 – 14:00
Fax. +46 8 767 6557

E-MAIL

embassy.stockholm@mfa.gov.al (rekomandohet komunikimi me e-mail për çështje konsullore)

Orari zyrtar

E hënë- E enjte
09:00-17:00
E premte
09:00- 14:00