Panairi i Turizmit FITUR 2021

Në datat 19 – 23 maj 2021 në Madrid u mbajt në IFEMA Panairi i Turizmit FITUR2021. Megjithë kushtet e vështira të krijuara nga pandemia ky aktivitet u mbajt me sukses të plotë. Shqipëria kishte dhe këtë vit stendën e saj.

Me ftesë të Qeverisë Spanjolle në aktivitetet e FITUR 2021 mori pjesë delegacioni shqiptar i kryesuar nga Ministri për Turizmin dhe Mjedisin, z. Blendi Klosi.

Z. Klosi u prit dhe zhvilloi një takim me Ministren e Ekonomisë, Industrisë dhe Turizmit të Spanjës, znj. Maria Reyes Maroto. Takime z. Klosi pati gjithashtu dhe me Ministrin e Turizmit të Greqisë, z. Harry Theoharis, Ministren e Ekonomisë dhe Turizmit të Serbisë, znj. Tatjana Matic, Ministren e Ekonomisë së Gjeorgjisë, znj. Natia Turnava, dhe Sekretarin e Shtetit të Kroacisë për Turizmin dhe Sportet, z. Tonči Glavina.

Z. Klosi u takua dhe u prit edhe nga Sekretari i Përgjithshëm i Organizatës Botërore të Turizmit, me qendër në Madrid, z. Zurab Pololikashvili.

Tema mbizotëruese e të gjithë aktiviteteve dhe takimeve të delegacionit tonë ishte rifillimi dhe rikuperimi i industrisë së turizmit, si dhe bashkëpunimi reciprok.

Adresa

Embajada de Albania
Calle Lagasca, 68 . 1ºB,
28001 MADRID

Tel / Fax

Tel. +34 91 562 6985
Fax. +34 91 561 3775
Nr. i emergjencës:+34 606 376 830

E-MAIL

embassy.madrid@mfa.gov.al

Orari zyrtar

E hënë- E premte
09:00 - 17:00