Articles

Ambasada i dorëzon shkollës fillore OŠ Toneta Čufarja tekste në gjuhën shqipe

Albanian

Në vijim të angazhimit të Ambasadës së Republikës së Shqipërisë në Slloveni, për pajisjen e shkollave sllovene me literaturë shqip, Ambasada i dorëzoi shkollës fillore OŠ Toneta Čufarja, Jesenice, tekste në gjuhën shqipe. 
 
Integrimi i fëmijëve shqiptarë në shoqërinë sllovene është një prioritet kyç, prandaj mbetemi të përkushtuar për vijimin e komunikimeve dhe shpërndarjen e materialeve të tjera studimore të gjuhës amë në shkollat sllovene. 

Ambasadori Pëllumb Qazimi viziton kompaninë DAT-CON.

Albanian

Ambasadori Pëllumb Qazimi vizitoi kompaninë DAT-CON.
 
Në takimin e zhvilluar me drejtuesin e kompanisë Stane Palaskan u diskutua për projekte që deri tani kompania ka zbatuar në Shqipëri në sektorë të ndryshëm të sigurisë, si dhe mundësitë e thellimit të bashkëpunimit në të ardhmen.

Ambasadori Qazimi takim me homologen franceze Florence Ferrari

Albanian

Ambasadori Pëllumb Qazimi zhvilloi takim me ambasadoren e Francës Florence Ferrari. 
 
Gjatë takimit ambasadorët shkëmbyen informacione dhe diskutuan mbi përfundimet dhe mesazhet e Samitit të Brdo-Brijunit për mbështetjen e integrimit evropian të Ballkanit Perëndimor.
 
Gjithashtu, takimi u fokusua tek pritshmëritë e fillimit të bisedimeve të anëtarësimit të Shqipërisë në BE.

Shqipëria merr Presidencën e Nismës Adriatiko-Joniane/ ESAIR

Albanian

Shqipëria mori Presidencën e Nismës Adriatiko-Joniane/ ESAIR për periudhën 1 qershor 2021- 31 maj 2022.
Simboli i Presidencës i është dorëzuar nga autoritetet sllovene ambasadorit Pëllumb Qazimi në përfundim të Forumit të 6-të të AII/EUSAIR, që u zhvillua në Slloveni.

Ambasadori Pëllumb Qazimi takon drejtorin e ITF-Enhancing Human Security, Tomaž Lovrenčič.

Albanian

Ambasadori Pëllumb Qazimi zhvilloi takim me drejtorin e ITF-Enhancing Human Security, Tomaž Lovrenčič.
 
Ambasadori falënderoi ITF për projektet tashmë të përmbushura dhe ato në vijim në fushën e sigurisë njerëzore në Shqipëri.
 
Më tej, bashkëbisedimi u fokusua në gjetjen e donatorëve për financimin e projekteve të planifikuara për vitin 2021 e më tej në Shqipëri.
 
ITF është organizatë ndërkombëtare me kontribute të dukshme të sigurisë njerëzore në Ballkanin Perëndimor, Lindjen e Mesme, Azi, Amerikën Latine, etj.
 

Ambasadori Qazimi zhvillon takim me drejtorin e përgjithshëm të MPJ sllovene

Albanian

Ambasadori Pëllumb Qazimi zhvilloi një takim me Jernej Müller, drejtor i përgjithshëm në Ministrinë e Punëve të Jashtme të Sllovenisë. 
Dy bashkëbiseduesit diskutuan dhe shkëmbyen mendime për një numër çështjesh me interes të përbashkët.
Ndër të tjera ata diskutuan për marrëdhëniet dypalëshe, si dhe prioritetet e programin e Presidencës sllovene të Këshillit të BE-së gjatë gjysmës së dytë të vitit 2021.

Ambasadori Qazimi merr pjesë në sesionin e 46-të të Bordit Këshillues të ITF-Enhancing Human Security

Albanian

Ambasadori Pëllumb Qazimi mori pjesë në sesionin e 46-të të Bordit Këshillues të ITF-Enhancing Human Security, i cili u zhvillua nën drejtimin e Tomaž Lovrenčič, drejtor i kësaj organizate ndërkombëtare.
Në këtë sesion, të cilin e përshëndeti edhe Ministri i Jashtëm slloven Anže Logar, u prezantua raporti vjetor për vitin 2020, si dhe u diskutuan projektet e parashikuara për vitin 2021.

Ambasadori Pëllumb Qazimi takohet me kryetarin e Bashkisë Bled Janez Fajfar

Albanian

Ambasadori Pëllumb Qazimi zhvilloi një takim miqësor me kryetarin e Bashkisë Bled Janez Fajfar.
U diskutua bashkëpunimi në fushën e turizmit dhe projekte të përbashkëta të promovimit të imazhit të Shqipërisë, gjatë vitit në Bashkinë Bled, e cila përfaqëson një ndër asetet turistike më të vyera të Sllovenisë në botë.

Ambasador Qazimi pret në takim homologen turke Aylin Taşhan

Albanian

Ambasadori Pëllumb Qazimi priti në një takim kortezie Ambasadoren e sapoemëruar të Turqisë në Slloveni, Aylin Taşhan.
Ndër të tjera, gjatë bashkëbisedimit u theksuan bashkëpunimi dhe marrëdhëniet shumë të mira mes dy vendeve, si dhe u shpreh gatishmëria për intensifikimin e mëtejmë të tyre.

Dorëzohen tekste në gjuhën shqipe për shkollën fillore Jakoba Aljaža

Albanian

Në përgjigje të kërkesës së shkollave fillore sllovene, Ambasada i dorëzoi shkollës fillore sllovene Jakoba Aljaža, në Kranj, tekste në gjuhën shqipe. 

Këto tekste do të jenë në lehtësim të mësimit edhe të gjuhës sllovene dhe integrimit më të mirë të nxënësve shqiptarë.

Ndërkohë, Ambasada është në komunikim edhe me shkolla të tjera të arsimit fillor në Slloveni. 

Pages

Adresa

Ambasada Shqiptare
Tavčarjeva ulica 10
1000 Ljubljana
Slovenia

Tel / Fax

Tel. +38615473650
Fax +38615473652
Nr. emergjence
+38631240760

E-MAIL

embassy.ljubljana@mfa.gov.al

Orari zyrtar

E hënë- E premte
08:00 - 16:00