Articles

Ambasador Qazimi merr pjesë në Konferencën “Slovenian pre-Presidency”

Albanian

Ambasadori Pëllumb Qazimi mori pjesë në Konferencën “Slovenian pre-Presidency”, që u bashkëorganizua nga Qendra e Marrëdhënieve Ndërkombëtare (CIR), Fakulteti i Shkencave Sociale dhe Shoqata e Studimit të Politikave Ndër-Evropiane (TEPSA).
 
Ministri i Punëve të Jashtme të Sllovenisë, Anže Logar, dhe Sekretari i Shtetit, Gašper Dovžan, në fjalët e tyre theksuan prioritetet e Presidencës sllovene të Këshillit të BE-së. Ndër të tjera, ata nënvijëzuan rëndësinë gjeostrategjike të zgjerimit të BE-së me vendet e rajonit të Ballkanit Perëndimor.
 

Qazimi takim me Kovač, këshilltar i Kryeministrit të Sllovenisë

Albanian

Ambasadori Pëllumb Qazimi zhvilloi takim me Igor Kovač, këshilltar i Kryeministrit të Sllovenisë. 
 
Gjatë takimit u shkëmbyen mendime e vlerësime për pritshmëritë e Sllovenisë lidhur me prioritetet e Presidencës së Këshillit të BE-së, por edhe për pritshmëritë e Shqipërisë për fillimin e negociatacve të anëtarësimit në BE.
 
Gjithashtu, u diskutua edhe për bashkëpunimin dypalësh, si dhe për zhvillimet në rajonin e Ballkanit Perëndimor.
 

Ambasadori Pëllumb Qazimi takohet me kryetarin e Bashkisë Slovenska Bistrica Ivan Żagar.

Albanian

Ambasadori Pëllumb Qazimi u takua me kryetarin e Bashkisë Slovenska Bistrica, Ivan Żagar.
Ambasadori u njoh me informacion rreth zhvillimeve aktuale në këtë bashki. Ndërkohë, dy bashkëbiseduesit diskutuan edhe për binjakëzim të mundshëm me një bashki në Shqipëri, si edhe për mundësinë e organizimit të një veprimtarie diplomatike në Slovenska Bistrica.

Ambasadori Qazimi pritet në takim nga Sovinc

Albanian

Ambasadori Pëllumb Qazimi u prit në një takim nga drejtorja e Departamentit të Zgjerimit dhe Evropës Juglindore në MPJ të Sllovenisë, Aleša Sovinc.
 
Takimi u fokusua tek çështje me interes të përbashkët të të dy vendeve në planin diplomatik dhe ekonomik, integrimi evropian i Shqipërisë, si dhe Presidenca sllovene e Këshillit të BE-së.
 
Sllovenia mbetet një mbështetëse e fortë e integrimit të Shqipërisë në BE dhe zgjerimi i BE-së me vendet e Ballkanit Perëndimor do të jetë një prioritet kyç gjatë Presidencës sllovene.

Ambasada merr pjesë në SILA- Garden Summer Lunch

Albanian

Ambasada mori pjesë në aktivitetin “Garden Summer Lunch” të organizuar nga Klubi Ndërkombëtar i Grave SILA-IWCL.
 
Ky aktivitet është një traditë e SILA-IWCL dhe të ardhurat e grumbulluara shërbejnë për organizimin e aktiviteteve të bamirësisë.
 
Ambasada nëpërmjet pranisë së saj në këtë aktivitet, shprehu edhe një herë mbështetjen për SILA-IWCL dhe gatishmërinë për të bashkëpunuar në projektet në vazhdim.

Ambasada i dorëzon shkollës fillore OŠ Toneta Čufarja tekste në gjuhën shqipe

Albanian

Në vijim të angazhimit të Ambasadës së Republikës së Shqipërisë në Slloveni, për pajisjen e shkollave sllovene me literaturë shqip, Ambasada i dorëzoi shkollës fillore OŠ Toneta Čufarja, Jesenice, tekste në gjuhën shqipe. 
 
Integrimi i fëmijëve shqiptarë në shoqërinë sllovene është një prioritet kyç, prandaj mbetemi të përkushtuar për vijimin e komunikimeve dhe shpërndarjen e materialeve të tjera studimore të gjuhës amë në shkollat sllovene. 

Ambasadori Pëllumb Qazimi viziton kompaninë DAT-CON.

Albanian

Ambasadori Pëllumb Qazimi vizitoi kompaninë DAT-CON.
 
Në takimin e zhvilluar me drejtuesin e kompanisë Stane Palaskan u diskutua për projekte që deri tani kompania ka zbatuar në Shqipëri në sektorë të ndryshëm të sigurisë, si dhe mundësitë e thellimit të bashkëpunimit në të ardhmen.

Ambasadori Qazimi takim me homologen franceze Florence Ferrari

Albanian

Ambasadori Pëllumb Qazimi zhvilloi takim me ambasadoren e Francës Florence Ferrari. 
 
Gjatë takimit ambasadorët shkëmbyen informacione dhe diskutuan mbi përfundimet dhe mesazhet e Samitit të Brdo-Brijunit për mbështetjen e integrimit evropian të Ballkanit Perëndimor.
 
Gjithashtu, takimi u fokusua tek pritshmëritë e fillimit të bisedimeve të anëtarësimit të Shqipërisë në BE.

Shqipëria merr Presidencën e Nismës Adriatiko-Joniane/ ESAIR

Albanian

Shqipëria mori Presidencën e Nismës Adriatiko-Joniane/ ESAIR për periudhën 1 qershor 2021- 31 maj 2022.
Simboli i Presidencës i është dorëzuar nga autoritetet sllovene ambasadorit Pëllumb Qazimi në përfundim të Forumit të 6-të të AII/EUSAIR, që u zhvillua në Slloveni.

Ambasadori Pëllumb Qazimi takon drejtorin e ITF-Enhancing Human Security, Tomaž Lovrenčič.

Albanian

Ambasadori Pëllumb Qazimi zhvilloi takim me drejtorin e ITF-Enhancing Human Security, Tomaž Lovrenčič.
 
Ambasadori falënderoi ITF për projektet tashmë të përmbushura dhe ato në vijim në fushën e sigurisë njerëzore në Shqipëri.
 
Më tej, bashkëbisedimi u fokusua në gjetjen e donatorëve për financimin e projekteve të planifikuara për vitin 2021 e më tej në Shqipëri.
 
ITF është organizatë ndërkombëtare me kontribute të dukshme të sigurisë njerëzore në Ballkanin Perëndimor, Lindjen e Mesme, Azi, Amerikën Latine, etj.
 

Pages

Adresa

Ambasada Shqiptare
Tavčarjeva ulica 10
1000 Ljubljana
Slovenia

Tel / Fax

Tel. +38615473650
Fax +38615473652
Nr. emergjence
+38631240760

E-MAIL

embassy.ljubljana@mfa.gov.al

Orari zyrtar

E hënë- E premte
08:00 - 16:00