Articles

Pulla postare Slloveni-Shqipëri votohet si më e bukura në Slloveni për vitin 2021

Albanian

Në një votim të Postës Sllovene, me 1,731 pjesëmarrës, 789 vota mbështetën pullën postare "Slloveni-Shqipëri", duke e renditur në vendin e parë dhe më të bukurën gjatë vitit 2021.

Në vendin e dytë me 477 vota u rendit pulla postare "Nika Križnar" dhe në vendin e tretë me 465 vota pulla postare "Europa".

Hapet Panairi Ndërkombëtar i Turizmit Alpe - Adria 2022

Albanian

Në datën 23 mars, në Lubjanë u organizua ceremonia e hapjes së Panairit Ndërkombëtar të Turizmit Alpe - Adria 2022. Panairi pas dy vitesh ndërprerje për arsye të pandemisë së Covid-19, përfaqëson një ngjarje të rëndësishme për komunitetin e turizmit, për kompanitë, agjensitë dhe vendet pjesëmarrëse dhe shumë më gjerë. Në këtë veprimtari ishte i pranishëm edhe ambasadori Pëllumb Qazimi.

Krijohet Shoqata e Gruas Shqiptare “TEUTA” në Slloveni

Albanian

Në mbrëmjen e datës 19 mars, në Lubjanë, nën drejtimin e Ganimet Shala, kryetare e Shoqatës, u zhvillua ngjarja inaguruese e Shoqatës së Gruas Shqiptare “TEUTA”. Ganimet Shala së bashku me grupin nismëtar, gra të shquara shqiptare si Hatija, Shpresa, Lea, Vera dhe Besa, në datën 5 shkurt 2022, finalizuan nismën e organizimit më të mirë të grave shqiptare me banim në Slloveni, duke krijuar shoqatën e tyre për të dhënë një kontribut domethënës për diasporën shqiptare në Slloveni. Kështu, kjo datë shënon krijimin e Shoqatës së Gruas Shqiptare “TEUTA” në Slloveni.

Violinistja Laura Llozi interpreton në Lubjanë

Albanian

Në mbrëmjen e datës 18 mars, në Lubjanë, në kuadrin e koncertit të 10-të të ciklit ndërkombëtar muzikor, së bashku me artiste të tjera, interpretoi edhe violinistja shqiptare Laura Llozi. Të pranishëm në koncert ishin edhe pjesëtarë të Ambasadës së Shqipërisë.

Takim i Kryeministrit Janez Janša me ambasadorët e vendeve anëtare të Aleancës së NATO-s, të akredituar në Republikën e Sllovenisë

Albanian

Menjëherë pas kthimit nga vizita e përbashkët e datës 15 mars në Ukrainë, me Kryeministrat e Polonisë dhe Republikës Çeke, Kryeministri Janša në datën 16 mars u takua me ambasadorët e vendeve anëtare të NATO-s, të akredituar në Republikën e Sllovenisë. Ai informoi lidhur me vizitën dhe çështje të mprehta që lidhen me luftën në Ukrainë, si pasojë e agresionit të Rusisë. Në takim ishte i pranishëm edhe ambasadori Pëllumb Qazimi.

Ambasadori Pëllumb Qazimi pritet në takim nga Ministri i Kulturës të Sllovenisë, Vasko Simoniti

Albanian

Gjatë takimit janë shkëmbyer vlerësime për marrëdhëniet shumë të mira dypalëshe dhe nevojën për intensifikimin e mëtejshëm të tyre në fushën e kulturës. Brenda një kohe të shkurtër pritet nënshkrimi i marrëveshjes së bashëpunimit ndërmjet dy vendeve në fushën e kulturës. 

Ambasadori Pëllumb Qazimi në Novo Mesto së bashku me atletët veteranë shqiptarë

Albanian

Në datat 12 dhe 13 mars, atletët veteranë shqiptarë, me moshë nga 35 deri në mbi 80 vjeç, nën drejtimin e zëvendës presidentit të Atletëve Veteranë të Shqipërisë, Rudi Bektashi, ishin pjesëmarrës në Kampionatin Ballkanik të Atletëve Master në salla të mbyllura, Novo Mesto, Slloveni. Krahas atletëve nga vendet e tjera, atletët shqiptarë u paraqitën me profesionalizëm dhe përfaqësuan me dinjitet Shqipërinë, duke fituar edhe disa medalje. Sporti bashkon dhe nuk ndan, promovon bashkëpunimin, integrimin dhe paqen.

Solidaritet me Ukrainën dhe popullin e Ukrainës

Albanian

Në mbrëmjen e datës 2 mars, në Lubjanë u zhvillua tubim në mbështetje të Ukrainës dhe popullit të Ukrainës. Përshëndetën të pranishmit Ambasadori i Ukrainës në Slloveni, Kryeministri i Sllovenisë, Presidenti i Këshillit të Shtetit, etj. Pjesëmarrësit me terma të fortë dënuan agresioni rus dhe shprehën solidaritet të plotë ndaj Ukrainës në këtë periudhë të vështirë. Në këtë tubim, së bashku me kolegë të tjerë ambasadorë, mori pjesë edhe ambasadori Pëllumb Qazimi.

Solidaritet me Ukrainën dhe popullin e Ukrainës

Albanian

Në mbrëmjen e datës 1 mars, ambasadorët e vendeve anëtare të BE-së, Shqipërisë, Gjeorgjisë, Japonisë, Kosovës, Mbretërisë së Bashkuar, Maqedonisë së Veriut, Serbisë, SHBA-ve, dhe Zvcrës, akredituar në Republikën e Sllovenisë, u takuan në Shtëpinë e Evropës në Lubjanë për të shprehur solidaritetin me Ukrainën dhe popullin e Ukrainës.

Takim miqësor me ambasadorin e Republikës së Kosovës

Albanian

Në datën 17 shkurt, ambasadori Pëllumb Qazimi u prit në takim nga ambasadori i Republikës së Kosovës në Republikën e Sllovenisë, Valdet Sadiku. Ambsadori Qazimi i shprehu ambasadorit Sadiku urimet më të përzemërta me rastin e Ditës së Pavarësisë të Kosovës. Gjatë takimit janë diskutuar një numër çështjesh të bashkëpunimit dhe sidomos angazhimi dhe puna e përbashkët me diasporën shqiptare në Republikën e Sllovenisë.

Pages

Adresa

Ambasada Shqiptare
Tavčarjeva ulica 10
1000 Ljubljana
Slovenia

Tel / Fax

Tel. +38615473650
Fax +38615473652
Nr. emergjence
+38631240760

E-MAIL

embassy.ljubljana@mfa.gov.al

Orari zyrtar

E hënë- E premte
08:00 - 16:00