Shqip
English
Ambasada ishte pjesëmarrëse në Kranj Foto Fest të organizuar në Kranj, Slloveni. Thirrjes së hapur të konkursit ju përgjigjën 142 aplikantë nga 41 shtete të ndryshme. Konkurentët prezantuan punimet e tyre fotografike lidhur me temën ‘Izolimi-Liria’, duke promovuar në këtë mënyrë artin fotografik kontemporan.
Pjesëmarrës në aktivitet ishin përfaqësues të lartë të Bashkisë së Kranj-it, Ambasadës së Brazilit, Ambasadës së Hollandës, të artit në Slloveni, etj.
Ky ishte edicioni i parë i kësaj veprimtarie dhe çmimi i madh i konkursit u fitua nga Erjola Zhuka, fotografe shqiptare. Gjithashtu, një tjetër fotograf shqiptar, Bib Frrokaj, ishte pjesë e finalistëve.
Të gjithë finalistët do të prezantojnë punimet e tyre në ekspozita personale të vendosura në Kranj, deri më 30 shtator.
