Articles

Priten në Ambasadë fitues shqiptarë të çmimeve ndërkombëtare në fushën e arkitekturës

Albanian

Në datën 6 maj, janë pritur në Ambasadë Ada Lushi dhe Erazmia Gjikopulli, përfaqësuese të StudioArch4, Tiranë. BIG SEE, Lubjanë - platformë ndërkombëtare e promovimit të arritjeve në fushën e arkitekturës, ka vlerësuar me çmime fituese StudioArch4 për vitin 2020 dhe vitin 2022.

Koncerte me natyrë humanitare, në ndihmë të Ukrainës

Albanian

Në datën 5 maj, ambasadori Pëllumb Qazimi ishte pjesëmarrës në dy veprimtari - koncerte humanitare në ndihmë të Ukrainës. Ngjarjet u organizuan respektivisht nga Përfaqësimi i Komisionit Evropian dhe nga Ambasada e Mbretërisë së Bashkuar në Slloveni. Interpretuan orkestra e muzikantëve të rinj ukrainas, që tashmë janë akomoduar në Slloveni, një orkestër frymore e Ushtrisë Britanike, etj.

Koncert me muzikë shqiptare në Lubjanë

Albanian

Në mbrëmjen e datës 16 prill, në Lubjanë, në kuadrin e projektit "Balkan Open Jam", nga grupi i Jelena Soro u zhvillua koncert me këngë shqiptare. Koncerti u ndoq nga një numër i madh dashamirësish të muzikës. Ky grup edhe më parë ka interpretuar këngë shqiptare, ashtu sikundër edhe nga vende të tjera të Ballkanit, duke dhënë shembullin më të mirë të diversitetit kulturor e të respektit të ndërsjelltë ndërmjet popujve të rajonit. Në këtë ngjarje ishin të pranishëm edhe përfaqësues të Ambasadës së Shqipërisë.

Për bashkëpunimin Slloveni -Shqipëri në fushën e diplomacisë digjitale

Albanian

Në datën 13 prill, ambasadori Pëllumb Qazimi ka zhvilluar takim me Katja Geršak, drejtore e Qendrës për Perspektivë Evropiane - CEP. Gjatë takimit është diskutuar dhe dakorduar për veprimtaritë që do të organizohen si në Slloveni, ashtu edhe në Shqipëri në fushën e diplomacisë digjitale dhe në fusha të tjera. Ambasada në mënyrë të vazhdueshme ka mbështetur dhe ka qenë pjesëmarrëse në veprimtaritë e organizuara nga CEP. Kjo qendër ka dhënë dhe vijon të ofrojë kontribute në procesin e integrimit evropian për Shqipërinë dhe vendet e tjera të Ballkanit Perëndimor.

Ambasadori Pëllumb Qazimi merr pjesë në takimin me ambasadorët e BE-së dhe të Ballkanit Perëndimor si dhe në veprimtarinë e organizuar nga Qendra e Ekselencës për Financat - CEF

Albanian

Në datën 8 prill, në mjediset e Qendrës së Ekselencës për Financat-CEF, nën drejtimin e ambasadores së Francës Florence Ferrari u zhvillua takimi i ambasadorëve të vendeve të BE-së dhe ambasadorëve të Ballkanit Perëndimor. U diskutua për çështje që lidhen me perspektivën evropiane të vendeve të Ballkanit Perëndimor. Debati u fokusua edhe në aspektin e konferencës BE-BP që do të zhvillohet në muajin qershor në kuadrin e Presidencës Franceze të Këshillit të BE-së.

Gjurmë lidhjesh ndërmjet Shqipërisë dhe Sllovenisë

Albanian

Në datën 6 prill, ambasadori Pëllumb Qazimi priti në takim znj.Alenka Adamič. Takimi i kushtohej babait të saj, Bojan Adamič i cili në vitin 1947 ka përvojën e tij në Shqipëri. Bojan Adamič është kompozitor, dirigjent, dhe fotograf slloven. Nga maji deri në gusht të vitit 1947 ai ka vizituar Shqipërinë, ku ka organizuar e drejtuar një numër koncertesh. Alenka si bijë e tij, është shumë krenare për kontributin e dhënë nga i jati në Shqipëri, pavarësisht se 75 vite më parë.

Priten në Ambasadë të rinj nga Shqipëria

Albanian

Në datën 30 mars, të ftuar në Ambasadë ishin të rinjtë nga Shqipëria, pjesëmarrës në vizitën studimore realizuar në Lubjanë së bashku me të rinj të tjerë nga vendet e Ballkanit Perëndimor. Ishte kënaqësi bashkëbisedimi me Marizën, Shilën, Marselën, Marjolën dhe Marion. Përveç prezantimit të misionit të Ambasadës, u shkëmbyen mendime e vlerësime edhe për punën që bëhet me të rinjtë si në aspektin e marrëdhënieve dypalëshe Shqipëri-Slloveni, ashtu edhe në kuadrin rajonal dhe në procesin e integrimit evropian.

Të rinjtë nga Shqipëria në Slloveni për procesin e integrimit evropian

Albanian

Në datën 29 mars, në Lubjanë, u organizua tryezë e rrumbullakët kushtuar përfshirjes, rolit dhe kontributit të të rinjve në procesin e integrimit evropian. Krahas të rinjve nga të gjithë vendet e Ballkanit Perëndimor, në këtë ngajrje ishin të pranishëm edhe të rinj nga Shqipëria. Të rinjtë janë duke zhvilluar një vizitë studimore në Slloveni, me organizim të "Western Balkan Youth Lab" të Këshillit të Bashkëpunimit Rajonal, Sarajevë dhe Forumit Rinor Evropian.

Marathon TV Global Charity in support of Ukraine in Ljubljana

Albanian

On Sunday evening, March 27, the Embassy of the Republic of Albania to the Republic of Slovenia joined the demonstration of solidarity with the Ukrainian people. On this occasion, the President of Albania, Ilir Meta, and Linda Rama, the wife of the Prime Minister of Albania addressed the public live, via teleconference, along with other Heads of State and Government.

Përmbyllen veprimtaritë në kuadrin e Javës së Filmit Frankofon

Albanian

Prej datës 21 deri 26 mars, me bashkëorganizim të ambasadores së Francës Florence Ferrari dhe ambasadorit të Zvicrës Denis Knobel, u zhvilluan një numër veprimtarish, të cilat u finalizuan me takimin e datës 25 mars me takimin e ambasadorëve të grupit të vendeve frankofone. Në këto ngjarje ka qenë i pranishëm edhe ambasadori Pëllumb Qazimi.

Pages

Postal Address

Embasy of Albania
Tavčarjeva ulica 10
1000 Ljubljana
Slovenia

Tel / Fax

Tel. +38615473650
Fax +38615473652
Nr. emergjence
+38631240760

E-MAIL

embassy.ljubljana@mfa.gov.al

OPENING TIMES

Monday to Friday
08:00 - 16:00