Shqipëria dhe Lidhja e Kombeve

Shqipëria dhe Lidhja e Kombeve mbi mbrojtjen e minoriteteve
 
 
Në vazhdën e njohjes së historisë së politikës së jashtme shqiptare gjatë shekullit të kaluar nëpërmjet rekordeve diplomatike arkivore, Drejtoria e Arkivit Historik dhe Dokumentacionit bën publik dy materiale arkivore nga marrëdhëniet e shtetit shqiptar me Lidhjen e Kombeve dhe standartet e kërkuara prej saj menjëherë pas pranimit të Shqipërisë si shtet anëtar në këtë organizatë, 17 dhjetor 1920.
 
Sapo Shqipëria u bë anëtare e Lidhjes së Kombeve, Sekretari i Përgjithshëm i saj, më 20 dhjetor 1920 e më 11 janar 1921 e njoftoi qeverinë shqiptare se i duhej të deklarohej nëse do të respektonte parimet e përgjithshme në lidhje me minoritetet, duke i kërkuar në të njëjtën kohë edhe një raportim për situatën e tyre në vend. Pas një korrespondence të gjatë midis qeverisë shqiptare dhe Lidhjes së Kombeve, në seancën e 2 tetorit 1921 të Këshillit të Lidhjes së Kombeve, Fan S. Noli në emër të qeverisë shqiptare nënshkroi Deklaratën për mbrojtjen e minoriteteve në Shqipëri. Po në këtë seancë ai ngriti para Këshillit nevojën e mbrojtjes së minoriteteve shqiptare në Greqi e Serbi. Këshilli miratoi një resolutë të posaçme për Deklaratën e bërë nga delegacioni shqiptar për mbrojtjen e minoriteteve në Shqipëri. Teksti i Deklaratës, për kohën kur është nënshkruar, paraqet shumë interes për t'u njohur nga një rreth i gjërë studiuesish dhe diplomatësh shqiptare, e jo vetëm. 

Adresa

Ambasada Shqiptare
Diplomatic Quarter, Al Fazari Plaza, Unit No. G16
P.O.Box 94 004, Riyadh 11693

Tel / Fax

Tel. +966 11 281 6535
Fax. +966 11 281 6536

E-MAIL

embassy.riyadh@mfa.gov.al

Orari zyrtar

E hënë- E premte
09:00 - 17:00