Ministri Bushati takon Administratoren e UNDP-së, Clark

Ministri Bushati takon Administratoren e UNDP-së, Helen Clark

Në kuadër të takimit të nivelit të lartë që do të zhvillohet me rastin e 50-vjetorit të UNDP-së, Ministri i Jashtëm Ditmir Bushati zhvilloi një takim të veçantë me Administratoren e Programit për Zhvillim të Kombeve të Bashkuara (UNDP), Helen Clark. Në takim u bisedua mbi bashkëpunimin e suksesshëm të Shqipërisë me UNDP-në, veçanërisht në këto vitet e fundit, ku Shqipëria është përfshirë në një program pilot të kësaj agjencie të rëndësishme të Kombeve të Bashkuara, të quajtur “Goal 16”. Palët e konsideruan projektin e OKB-së si mjaft të rëndësishëm për një zhvillim të qëndrueshëm e dinamik të Shqipërisë, në mbështetje të Strategjisë Kombëtare për Zhvillim dhe Integrim, si dhe procesit të integrimit të Shqipërisë në BE.

Gjatë takimit u shpreh vullneti për të vijuar bashkëpunimin në kuadër të konceptit dhe praktikës së “Një OKB”, për të zhvilluar më tej bashkëpunimin në fushat e mirë-qeverisjes, zbatimit të shtetit ligjor, zhvillimit ekonomik dhe mbrojtjes së mjedisit në funksion të zbatimit të objektivave të zhvillimit të qëndrueshëm të OKB-së. Znj. Clark vlerësoi arritjet e Shqipërisë dhe shprehu gatishmërinë e UNDP-së për të ndihmuar vendin tonë në drejtim të një zhvillimi të qëndrueshëm dhe dinamik.

Adresa

Ambasada Shqiptare
Diplomatic Quarter, Al Fazari Plaza, Unit No. G16
P.O.Box 94 004, Riyadh 11693

Tel / Fax

Tel. +966 11 281 6535
Fax. +966 11 281 6536

E-MAIL

embassy.riyadh@mfa.gov.al

Orari zyrtar

E hënë- E premte
09:00 - 17:00