Në mjediset e hotelit Aleksandar Palace në Shkup, ditën e hënë më datë 28 Nëntor, nën kujdesin e Kryetarit të BDI, z. Ali Ahmeti u zhvillua një Akademi Solemne në përkujtim të 110 vjetorit të Pavarësisë së Atdheut e Festës Kombëtare të Republikës së Shqipërisë.

Më datë 25.11.2022, Ambasadori Fatos Reka mori pjesë në ceremoninë e organizuar nga Komuna e Tetovës, Këshilli Komunal i së cilës me vendim unanim shpalli shkrimtarin e madh Ismail Kadare, « Qytetar Nderi » të Tetovës.  
 

Sot më 22 Nëntor, shqiptarët kudo ndodhen festojnë Ditën e Alfabetit të Gjuhës Shqipe. 
 
Patriotët e Rilindasit të mbledhur në Manastir, vendosën unanimisht përdorimin e Alfabetit Latin të Gjuhës Shqipe që kemi sot, duke treguar edhe një herë vokacionin e tyre pro perëndimor.
 
Kjo datë përkon po ashtu edhe me 50 vjetorin e Kongresit të Drejtëshkrimit që sanksionoi  përdorimin e Gjuhës Standarte Shqipe, duke e ngritur atë në nivel shkencor e të barabartë me gjuhët evropiane.

Më datë 14 Nëntor u zhvillua në Shkup, Mbledhja e dytë e përbashkët e qeverive të Republikës së Shqipërisë dhe Republikës së Maqedonisë së Veriut. Pas fjalëve të të dy Kryeministrave, Dimitar Kovaçeski dhe Edi Rama, ministra të të dy qeverive me ndërhyrjet e tyre theksuan rëndesinë e mbledhjeve të përbashkëta, me dobi e përfitime reciproke.