Ambasadori Ridi Kurtezi takon Dritan Abazovic, Zv/Kryeministër në qeverinë e MZ

 

Në datën 18 dhjetor 2020, Ambasadori Ridi Kurtezi zhvilloi një takim kortezie me Dritan Abazovic, Zëvendës Kryeministër në qeverinë e re të Malit të Zi.

Gjatë këtij takimi, Ambasadori Kurtezi ka përcjellë urimet më të mira për sukses gjatë mandatit të Z. Abazovic në qeveri dhe ka riafirmuar qëndrimin e Qeverisë shqiptare për të zgjeruar dhe për të intensifikuar më tej marrëdhëniet mes dy vendeve tona fqinjë, në dobi të progresit të gjithanshëm demokratik dhe përshpejtimit të axhendës së integrimit në sistemin e vlerave dhe standarteve evropiane.

Ambasadori Kurtezi ka vleresuar se pakica shqiptare në Malin e Zi është një urë e qëndrueshme miqësie dhe një faktor i rëndësishëm paqeje, stabiliteti, zhvillimi dhe integrimi. Pasi ka vlerësuar atë cka është realizuar deri më sot, ai ka inkurajuar Zevendës Kryeministrin Abazovic, për tu angazhuar më tej në realizimin e të gjitha të drejtave të pakicës shqiptare, te cilat që burojnë nga legjislacioni vendas dhe ai ndërkombëtar. Në këtë kontekst theksi u vu në përfaqësimin e drejtë në administratën qëndrore dhe lokale, zhvillimin ekonomik të zonave ku banojnë shqiptarët dhe rritjen e cilesisë së arsimit në gjuhën shqipe.

Adresa

Ambasada Shqiptare
Bulevar Dzordza Vashingtona br.98
Capital Plaza, 81000 Podgorica Montenegro

Tel / Fax

Tel: +38220671772
Fax: +38220671772
Emergjencat: +382 67 288 757

E-MAIL

embassy.podgorica@mfa.gov.al

Orari zyrtar

E hënë- E premte
09:00 - 17:00