Ministri në Detyrë Cakaj takime dypalëshe në Podgoricë me Kryenegociatorin e Malit të Zi Drljevic dhe Zv.Kryetarin e Parlamentit Nimanbegu

Gjatë vizitës së tij në Malin e Zi Ministri në Detyrë për Evropën dhe Punët e Jashtme, Gent Cakaj zhvilloi një takim me Kryenegociatorin e Malit të Zi me Bashkimin Evropian, Aleksandar Drljevic.
Kryediplomati shqiptar diskutoi mbi projektet dypalëshe apo rajonale në kuadër të integrimit, si mënyra më e mirë për të përshpejtuar perspektivën e përbashkët evropiane.
Ministri në Detyrë Cakaj theksoi si domosdoshmëri shkëmbimin e eksperiencave, bashkëpunimin në nivel ekspertësh të grupeve ndër-sektoriale, lobimin e përbashkët dhe realizimin e projekteve të cilat i paraprijnë proceseve integruese.
Gjatë vizitës së tij në Malin e Zi Ministri në Detyrë për Evropën dhe Punët e Jashtme, Gent Cakaj zhvilloi gjithashtu një takim me Zv.Kryetarin e Parlamentit, Genc Nimanbegu.
Në kuadër të një diplomacie parlamentare pro-aktive, në takim u theksua roli dhe kontributi i Grupeve Parlamentare respektive të Miqësisë, si një vlerë e shtuar në marrëdhëniet miqësore midis dy vendeve.
Gjatë takimit bashkëbiseduesit ndanë të njëjtat vlerësime për diplomacinë parlamentare e cila merr një rol të rëndësishëm në kuadër të proceseve integruese rajonale, por edhe atë në kuadër të NATO-s dhe integrimit në BE. Ata theksuan se, roli i tyre mbetet i rëndësishëm në kuadër të strategjive rajonale të zhvillimit.

Adresa

Ambasada Shqiptare
Salam Area, Block 7 Street 717
Villa 4, P.O.Box. 3090
Safat-13031, Shteti i Kuvajtit

Tel / Fax

Tel: +965 2524 0627
Fax: +965 2524 0628
Nr. i emergjences: +96594048219

E-MAIL


embassy.kuwait@mfa.gov.al

Orari zyrtar

E hënë- E enjte
08:00 - 16:00