Cakaj – Sarrazi: BE të mbajë premtimin për çeljen e negociatave

Ministri në Detyrë për Evropën dhe Punët e Jashtme zhvilloi një takim miqësor me Raportuesin për Shqipërinë në Komitetin për Çështjet Evropiane në Bundestag, përfaqësuesi i Partisë së Gjelbër, Manuel Sarrazi.
Në takim, Ministri në Detyrë Cakaj shprehu vlerësimin e tij për qasjen inkurajuese të raportuesit për Shqipërinë Sarrazi për avancimin e mëtejshëm të agjendës evropiane të Shqipërisë.
“Shqipëria ka përmbushur të gjitha kushtet e vendosura në mbledhjen e fundit të Këshillit të Ministrave të vendeve anëtare të Bashkimit Evropian dhe është gati për çeljen e negociatave”, tha Kryediplomati shqiptar në fjalën e tij.
Raportuesi për Shqipërinë Sarrazi konfirmoi mbështetjen e tij dhe të Partisë së Gjelbër për çeljen e merituar të bisedimeve për anëtarësim.
Sikundër u shpreh edhe në takimin e përbashkët me përfaqësuesit e Bundestag, ai theksoi nevojën e mbajtes së fjalës së dhënë nga ana e vendeve anëtare për fillimin e bisedimeve pas përmbushjes së pesë prioriteteve, jo vetëm si vlerësim të merituar për arritjet e deritanishme, por edhe si një mesazh inkurajues për institucionet dhe shoqërinë shqiptare.

Adresa

Ambasada Shqiptare
Salam Area, Block 7 Street 717
Villa 4, P.O.Box. 3090
Safat-13031, Shteti i Kuvajtit

Tel / Fax

Tel: +965 2524 0627
Fax: +965 2524 0628
Nr. i emergjences: +96594048219

E-MAIL


embassy.kuwait@mfa.gov.al

Orari zyrtar

E hënë- E enjte
08:00 - 16:00