Në mjediset e Ministrisë së Punëve të Jashtme çeli punimet Konferenca e Ambasadorëve, një aktivitet tre ditor, i cili mbledh në Tiranë titullarët e përfaqësive diplomatike dhe konsullore të Republikës së Shqipërisë në botë. 
Kjo Konferencë shërben si një platformë për shkëmbimin e informacioneve dhe ideve, si dhe ngre për diskutim disa prej çështjeve më të fundit që lidhen me politiken e jashtme të vendit tonë, rajonin dhe arenën ndërkombëtare. 

8 maj 2016
Ambasada e Republikës së Shqipërisë në Shtetin e Kuvajtit në bashkëpunim me shoqatën "Society for Social Solidarity Center" organizuan ekspozitën "Shqipëria, një thesar për tu zbuluar". 
Në këtë ekspozitë u përzgjodhën pamje të natyrës shqiptare si dhe imazhe që paraqisnin kulturën e pasur të vendit tonë. Ndër to mund të përmendim fotot e konkursit "Colours of Albania" 2015,
foto të kostumeve tradicionale,
stenda me informacione rreth Shqipërisë, broshura, fletëpalosje, librushka Albania Calls... e përkthyer  në arabisht etj.,

20 prill 2016                                                                                                                                                                                                                                                                                                                  Një koncert i Ansamblit të Këngëve dhe Valleve Popullore u dha në Kuvajt më 18 prill me një pjesëmarrje të gjerë nga vendasit kuvajtjanë, trupi diplomatik resident në këtë vend dhe komuniteti shqiptar gjithashtu.

24 mars 2016    -     Më 23-26 mars 2016, zhvilloi një vizitë zyrtare në Tiranë, Ministri i Punëve Publike dhe Çështjeve të Parlamentit të Kuvajtit që mbulon bujqësinë gjithashtu,  dr. Ali Saleh Al Omair, me ftesë të Ministrit të Bujqësisë, Zhvillimit Rural dhe Administrimit të Ujërave, z. Edmond Panariti,. Gjatë kësaj vizite u nënshkrua një Memorandum Mirëkuptimi në fushat e bujqësisë dhe peshkimit.