Takim me Asistent Minister për Kabinetin e Zv/Kryeministrit dhe Ministër i Punëve të Jashtme të Kuvajtit Amb.Sheikh Ahmed Naser M.Al-Ahmad Al-Sabah

Më datë 13 nëntor 2018, me kërkesën e tij, Ambasadori Saimir Bala u prit në një takim nga Asistent Minister për Kabinetin e Zv/Kryeministrit dhe Ministër i Punëve të Jashtme të Kuvajtit Amb.Sheikh Ahmed Naser M.Al-Ahmad Al-Sabah. Qëllimi i takimit kishte të bënte me shkëmbime mendimesh rreth marrëdhënieve dypalëshe.
 
Asistent Ministri Al-Sabah, ndër të tjera, tha se marrëdhëniet ndërmjet dy vendeve janë të shkëlqyera. Marrëdhëniet me Shqipërinë mike, vijoi ai ne i konsiderojmë të një rëndësie të veçantë. Kemi një bashkëpunimin dhe mirkuptim me palën shqiptare në të gjitha fushat. Në kuadër të vizitave të ndërsjella, ai tha se përsa i përket vizitës zyrtare të Presidentit të Republikës së Shqipërisë, SH.T.Z Ilir Meta do ju njoftojmë lidhur me datat në ditët në vijim. Ndërkohë, ai nënvizoi se duke shpresuar në mirkuptimin e palës shqiptare u bë kohë që nuk kemi vizita të nivelit të lartë nga ana jonë në Shqipëri, gjë e cila ka ndodhur për shkak të axhendës së ngjeshur si rezultat i situatave më të fundit në rajon. Edhe në kuadër të 50 vjetorit të marrëdhënieve diplomatike po shohim mundësinë e realizimit të një vizite të nivelit të lartë. Një gjë e tillë do i shërbejë edhe përgatitjes për mbajtjen e Sesionit të parë të Komisionit të Përbashkët Ekonomik Ndërqeveritar ndërmjet dy vendeve. Në fund,  u shpreh se tashmë ekzistojnë të gjitha mundësitë për të ngritur në një nivel edhe më të lartë bashkëpunimin dypalësh, në veçanti në fushën ekonomike.

Postal Address

Embasy of Albania
Salam Area, Block 7 Street 717
Villa 4, P.O.Box. 3090
Safat -13031, State of Kuwait

Tel / Fax

Tel: +965 2524 0627
Fax: +965 2524 0628
Nr. i emergjences: +96594048219

E-MAIL


embassy.kuwait@mfa.gov.al

OPENING TIMES

Sunday - Thursday
08:00 - 16:00