Cakaj – Fondacioni Heritage: Rëndësia e lidershipit amerikan në rajonin e Ballkanit Perëndimor

Ministri në Detyrë për Evropën dhe Punët e Jashtme Gent Cakaj, zhvilloi një takim me ZëvendësPresidentin e Fondacionit Heritage, James Carafano dhe grupin e ekspertëve të këtij fondacioni për çështjet e politikës së jashtme, sigurisë dhe ekonomisë.

Takimi kishte për qëllim shkëmbimin e mendimeve rreth zhvillimeve gjeopolitike të rajonit të Ballkanit, sfidat me të cilat përballet rajoni dhe domosdoshmërinë e vëmendjes dhe prezencës së SHBA në rajon.

Ministri në Detyrë Cakaj parashtroi një panoramë të përgjithshme të zhvillimeve aktuale në rajon, duke vënë theksin te rëndësia e agjendës evropiane dhe thellimi i bashkëpunimit të vendeve të rajonit në funksion të kësaj agjende.

Ekspertët e fondacionit Heritage pasi vlerësuan prezantimin e Ministrit në Detyrë Cakaj shprehën gatishmërinë e tyre për të vijuar bashkëpunimin në kuadër të nxitjes së politikës së administratës amerikane për rëndësinë e lidershipit amerikan në rajonin e Ballkanit Perëndimor.

Fondacioni Heritage me seli në Uashington është një nga institutet më prestigjoze në fushën e kërkimit dhe hartimit të politikave publike, demokracisë dhe lirive individuale.

Adresa

Plateia “Arch.Spyridonas” ,13, Odos “Anastasiou Zini”,
12, T.K. 45444, Ioannina, Greece

Tel / Fax

Tel. +30 26510 21330 +30 26510 22636
Fax. +30 26510 37768
Nr. i emergjences: +306971533398

E-MAIL

consulate.ioanina@mfa.gov.al

Orari zyrtar

E hënë- E premte
09:00 - 17:00