Muzika shqiptare dhe franceze në Budapest

Këngëtari i talentuar Xhimi Lazri ofroi një shfaqje të mrekullueshme dje në Institutin Francez të Budapestit. Para një audience që përbëhej nga përfaqësues të komunitetit shqiptar në Hungari, nga studentë shqiptarë e të huaj, nga miq francezë e hungarezë, nga kolegë të trupit diplomatik, të DSB e të IWC, me një stil të admirueshëm dhe tërheqës, ai solli tingujt e mrekullueshëm të një repertori të zgjedhur këngësh shqiptare dhe franceze, moderne dhe të traditës. Interpretimet me ndjenjë të këngëve të Yves Montand, Charles Aznavour, Edith Piaf, Jacque Brel, Simon Gjoni, Tish Daija, Fitnete Tuda, Preng Jakova e Pirro Çako i emocionuan të pranishmit, të cilët vlerësuan maksimalisht artistin. Ky aktivitet u realizua nëpërmjet bashkëpunimit të Ambasadës shqiptare, Ambasadës franceze dhe Institutit Francez në Budapest, si dhe dashamirësisë së z. Lazri.
11 tetor 2019

Adresa

Ambasada Shqiptare
Budapest 1062;
Andrassy ut 132; 2/3, Hungary

Tel / Fax

Tel: +3613361098
Cel: +36 30 201 3676
Fax. +3613361098
Numri i emergjencave +36 30 201 3676

E-MAIL

embassy.budapest@mfa.gov.al

Orari zyrtar

E henë- E enjte: 8:30-17
E premte: 8:30-14:30
Sherbimi konsullor
E henë - E premte 10-12