Ambasadori Spasse zhvilloi një takim me studentë të ESSCA School of Management në Budapest me iniciativë të Prof. Peter Kraft. Takimi nisi me një video prezantim mbi mënyrën se si perceptohet Shqipëria nga të huajt dhe si është realiteti në terren. Më pas Ambasadori foli mbi përpjekjet e vendit në procesin e integrimit evropian, si dhe iu përgjigj interesimit të studentëve mbi Shqipërinë dhe aktivitetin diplomatik. 12.12.2019

Pas përfundimit të Takimit të 9-të të Kryetarëve të Parlamenteve të Vendeve të Evropës Lindore, patëm kënaqësinë të presim në Ambasadë për "një kafe" zv.Kryetaren e Kuvendit, znj. Vasilika Hysi, dhe deputetin Vasil Sterjovski. Gjatë vizitës biseduam mbi marrëdhëniet dypalëshe Shqipëri-Hungari dhe ecurinë e tyre ndër vite.

Në kuadër të iniciativës "Tetori i Librit" dhe nën moton "Një ditë në shqip", në ambientet e Ambasadës së Republikës së Shqipërisë në Budapest u organizua një event kushtuar librit dhe leximit. Ambasadori Spasse dhe Sekretari i Dytë z. Viliem Kurtulaj mirëpritën në këtë event dashamirës të librit dhe studentë shqiptarë që studiojnë në Hungari. Nga pjesëmarrësit u sollën në vemendje tematika të ndryshme që kanë të bëjnë me leximin e autorëve shqiptarë dhe të huaj, përkthime të autorëve të huaj në shqip, stilistika e të shkruarit në shqip, etj.

Në këto momente të vështira, solidariteti ynë është i domosdoshëm. Secili kontribut nga ana juaj është i pazëvendësueshëm. Ndaj, luteni që kontributin tuaj ta jepni në këto linke:

e-albania.al/dhuro ose
e-albania.al/donate