Një gjest i thjeshtë në memorialin e Holokaustit në Budapest për të përkujtuar viktimat e një "filozofie" të pakuptimtë dhe mizore ...
#NeKujtojmë
#DitaNdërkombetareeHolokaustit

Pasi udhëhoqi rezistencën e shqiptarëve kundër zgjerimit të Perandorisë Osmane për gati 25 vjet, Gjergj Kastrioti Skënderbeu ndërroi jetë në 17 Janar 1468. Ai ishte në gjendje të bashkonte fisnikët shqiptarë nën udhëheqjen e tij, të shpallte politikën e tij të luftës dhe të kundërshtonte me sukses ushtritë Osmane në fushën e betejës dhe në diplomaci. Në shenjë respekti ndaj heroit tone kombëtar, Ambasadori Spasse, Konsulli i Nderit, z. Avni Hafuzi, dhe zv. Kryetari i Bashkise së Egerit, z. Mátyás Berecz, vendosën kurora me lule në sheshin e qytetit që mban emrin e Skënderbeut.

Të dashur miq, Festa Kombëtare e Shqipërisë na gjen sot të distancuar fizikisht për shkak të pandemisë. Por 28 Nëntori, me simbolikën e tij, i bashkon shqiptarët dhe miqtë e tyre sado larg të ndodhen. Sot, shqiptarët kujtojnë dhe nderojnë veprën e atyre burrave dhe grave të shquar që pavarësinë e Shqipërisë e bënë qëllimin e vetëm të jetës së tyre. Sot përkulemi me respekt përpara firmëtarëve të aktit të shpalljes së pavarësisë. Por sot kujtojmë me po aq mirënjohje edhe ata që punuan, luftuan dhe sakrifikuan për ta arritur pavarësinë e më pas, për ta mbrojtur atë.

Me qëllim realizimin e një bashkëpunimi në nderim të Ditës së Pavarësisë, Ambasadori Spasse u takua me sopranon Alisa Katroshi në mjediset e Ambasadës në Budapest. Pavarësisht pandemisë, artistja shqiptare vijon të jetë aktive me repertorin e saj klasik. Së fundmi ajo është zgjedhur anëtare e jurisë së Music and Stars Awards, një kompeticion online në zhanrin e muzikës klasike i hapur për të gjitha vendet e botës.
Ajo do të këndojë himnin shqiptar edhe atë hungarez.
25 nëntor 2020