Articles

Informacion mbi afatin e vlefshmërisë së dokumenteve biometrike të Republikës së Shqipërisë

Qeveria e Republikës së Shqipërisë, nëpëmjet Aktit Normativ, 23/20, ka vendosur që pasaportave biometrike të cilave u mbaron afati brenda vitit 2020, t'ju zgjatet vlefshmëria deri në 31 dhjetor 2020.

Ambasada e Shqipërisë në Francë ka njoftuar autoritetet franceze për këtë vendim të qeverisë shqiptare.

Për lehtësinë tuaj, ju ftojmë të printoni vërtetimin e mëposhtëm, në frengjisht dhe anglisht, për t'ja paraqitur autoriteteve franceze apo atyre kufitare.

Njoftim lidhur me rihapjen e Shërbimit Konsullor pranë Ambasadës së Shqipërisë në Paris

Pas lehtësimit të masave të marra nga autoritetet franceze për parandalimin e përhapjes së COVID-19, Ambasada e Shqipërisë në Paris njofton se, duke filluar nga data 12 maj 2020, do të rihapë shërbimin e saj konsullor pranë Ambasadës, çdo të martë, të mërkurë dhe të enjte, nga ora 9:30 deri më 13:00.

Njoftim mbi të drejtën e qendrimit ne Francë të qytetarëvë shqiptarë që u ka skaduar leja e qendrimit ose kanë tejkaluar afatin prej 90 ditësh

Shtetasit shqiptarë, të cilëve u ka përfunduar apo është duke iu përfunduar e drejta e qëndrimit prej 90 ditësh në hapësirën Schengen, sipas njoftimit të Ministrisë franceze për Evropën dhe Punët e Jashtme, mund të paraqiten pranë prefekturës së krahinës dhe qytetit ku ndodhen dhe të kërkojnë një autorizim të përkohshëm qëndrimi në Francë.
Kërkesat do të shqyrtohen rast pas rasti.

Për shkak të mbylljes së shumë shërbimeve për publikun pas situatës së krijuar nga COVID-19 në Francë, do të shqyrtohen me prioritet kërkesat që janë të një karakteri urgjent.

Intervistë e Presidentit Meta për “Radio France Internationale”

GAZETARI: Cilat janë pritshmëritë e Shqipërisë me rastin e këtij Forumi të Paqes në Paris?

PRESIDENTI META: Shqipëria është e vendosur dhe dëshiron të jetë një faktor i stabilitetit dhe bashkëpunimit në Ballkan. Është në interes të rajonit dhe përgjithësisht të Europës. Ne kemi besim te partnerët tanë europianë, veçanërisht tek Franca dhe Gjermania. Për të pasur një Europë të sigurt dhe të zhvilluar, Ballkani, në të njëjtën kohë, duhet të jetë i qëndrueshëm dhe paqësor. Historia na e ka treguar gjithmonë këtë. Të gjithë e dimë se në Ballkan filloi Lufta e Parë Botërore.

Ministri i Jashtëm, ne detyrë, Gent Cakaj pritet nga Sekretarja e Shtetit për Çështjet Evropiane të Francës, Amélie De Montchalin

Më 14 qershor 2019, gjatë vizitës në Francë, Ministri në Detyrë për Evropën dhe Punët e Jashtme Gent Cakaj, u takua me Sekretaren e Shtetit për Çështjet Evropiane të Francës, zj. Amélie De Montchalin

Ministrja Gjonaj takim me homologen franceze Nicole Belloubet

Më 7 maj 2019, Ministrja e Drejtësisë, znj. Etilda Gjonaj, zhvilloi një takim me Ministren e Drejtësisë të Republikës Franceze, znj. Nicole Belloubet, me ftesë të kësaj të fundit. Pjesëmarrës në këtë takim ishin edhe Kreu i KLP-së, z. Gent Ibrahimi, si dhe anëtari i KLGJ- së, z. Erjon Muharremaj.

Cakaj -Le Drian: Franca vlerëson reformat e ndërmarra nga Shqipëria të cilat mundësojnë avancimin e saj drejtë BE-së

Më 4 prill 2019, Ministri në Detyrë për Evropën dhe Punët e Jashtme, Gent Cakaj ka zhvilluar një takim me Ministrin e Punëve të Jashtme të Francës, Jean Yves Le Drian gjatë Ministerialit të Ministrave të Jashtëm të NATO-s.

Gjatë këtij takimi Ministri në Detyrë Cakaj e njohu Ministrin Le Drian me progresin e reformave në pesë prioritetet në Shqipëri dhe me pritshmëritë tona për marrjen e rekomandimit pozitiv nga Komisionit në maj dhe vendimit të Këshillit Evropian për hapjen e negociatave në qershor.

Ministri i Brendshëm i Shqipërisë z. Sandër Lleshaj u prit nga Ministri i Brendshëm francez Z. Christophe Castaner

Ministri i Brendshëm i Republikës Franceze, z. Christophe Castaner, priti në zyrën e tij më 26 mars 2019 Ministrin e Brendshëm të Republikës së Shqipërisë, z. Sandër Lleshaj.
Në kuadër të procesit të përafrimit të Shqipërisë të Shqipërisë me Bashkimin Evropian, të dy ministrat biseduan për çështjet e migracionit dhe ato të sigurisë dhe luftës kundër kriminalitetit të organizuar.

Pages

ADRESA

Ambasada Shqiptare
57, avenue Marceau 75116
Paris, France

TEL / FAX

Tel. +33 1 47 23 31 00
Fax. +33 1 47 23 59 85

Kontakt Urgjence

+33 1 47 23 31 51
Ky numër mund të përdoret vetëm në rast urgjence. Abuzimi me këtë numër ju ngarkon me përgjegjësi ligjore

E-MAIL

Kancelaria:
embassy.paris@mfa.gov.al

Konsullata:
consulate.paris@mfa.gov.al

Çështje policore/sigurie:
officer.paris@mfa.gov.al

SHËRBIMI KONSULLOR

E martë, e mërkurë dhe e enjte
09:30 - 13:00

KANCELARIA

E hënë deri e enjte
09:00 - 13:00
14:00 - 17:00

E premte
09:00 - 13:00
14:00 - 15:00