Shqipëri-BE, nënshkruhet memorandumi për pjesëmarrjen në programet mbi drejtësinë

Në emër të Republikës së Shqipërisë, Ministri i Drejtësisë, z. Ylli Manjani ka nënshkruar ditën e sotme një Memorandumi Mirëkuptimi ndërmjet Këshillit të Ministrave dhe Bashkimit Europian, që garanton pjesëmarrjen e vendit tonë në programin e drejtësisë të BE-së.

Ky memorandum është firmosur në Bruksel ndërmjet Ministrit Manjani dhe Komisioneres për Drejtësinë, Znj. Vera Jourova.

Gjatë takimit me Komisioneren Jourova, pas nënshkrimit të memorandumit, Ministri Manjani është ndalur në rëndësinë e miratimit të amendamenteve kushtetuese, duke e cilësuar këtë proces mjaft pozitiv për ecurinë e mëtejshme të reformës në drejtësi.

Z. Manjani theksoi se ky hap i parë tregoi se klasa politike shqiptare e ka vullnetin për gjetjen e hapësirave për konsensus.

Znj. Jourova e ka përgëzuar Ministrin Manjani për nënshkrimin e këtij memorandumi dhe u shpreh e kënaqur mbi mbështetjen e deritanishme që Komisioni Evropian i ka dhënë Shqipërisë.

Njëkohësisht znj. Jourova vuri në dukje rëndësinë e inkurajimit të mëtejshëm të proceseve reformuese, veçanërisht atyre në drejtësi.

Duke iu referuar çështjes së "vettingut", Komisioneria Jourova vlerësoi se aktualisht, zbatimi i reformës në drejtësi çel një periudhë mjaft të mprehtë politike, ndërsa u shpreh se ky proces duhet të shërbejë për rritjen e besimit tek qytetarët sikundër edhe tek shtetet e tjera.

Lidhur me procesin e "vettingut", Ministri Manjani sqaroi se ai mbetet nga proceset më imediate të zbatimit të reformës në drejtësi, ndërsa e sqaroi Komisioneren Jourova lidhur me zhvillimin e mëtejshëm të kuadrit të ri ligjor, për të cilin informoi se gjatë seancës plenare të parlamentit në datën 6 tetor pritet dhe miratimi i gjashtë ligjeve të tjera, për të cilat Ministri Manjani vuri në dukje se ekziston vullneti se do të votohen.

"Pritshmëria jonë është marrja e një rekomandimi pozitiv për të vijuar më pas me çeljen e negociatave", u shpreh ndër të tjera Ministri Manjani.

Në objektivat kryesore të tij, ky memorandum përfshin lehtësimin dhe mbështetjen në bashkëpunimin gjyqësor për çështjet civile dhe penale, nxitjen e trajnimit gjyqësor, duke përfshirë trajnimin mbi terminologjinë juridike, me qëllim nxitjen e një kulture të përbashkët ligjore dhe gjyqësore si dhe lehtësimin e qasjeve efektive për të gjithë në drejtësi, duke mbështetur të drejtat e viktimave të krimit, si dhe duke respektuar në të njëjtën kohë të drejtat e mbrojtjes.

http://ec.europa.eu/avservices/photo/photoByReportage.cfm?ref=032524&sitelang=en

Adresa

Adresa e Misionit
30, Rue Tenbosch,
1000 Bruxelles

Tel / Fax

Tel. +32 2 640 3544
+32 2 644 3329
Fax. + 32 2 640 31 77
Emergency Tel. 0032488026890

E-MAIL

mission.eu@mfa.gov.al

Orari zyrtar

E hënë- E premte
09:00 - 17:00