Ministri në Detyrë takohet në Bruksel me Raporterin për Shqipërinë në Parlamentin Evropian, Knut Fleckenstein

Ministri në Detyrë për Evropën dhe Punët e Jashtme Cakaj nisi sot vizitën e tij zyrtare në Bruksel, gjatë të cilës do të zhvillohen disa takime me përfaqësues të lartë të institucioneve evropiane.

Takimet e para Ministri në Detyrë i zhvilloi në Parlamentin Evropian, duke nisur me Raporterin për Shqipërinë pranë Parlamentit Evropian, Knut Fleckenstein.

Gjatë këtij takimi u diskutua mbi zhvillimet e fundit në Shqipëri dhe punën e institucioneve shqiptare për përmbushjen e pesë prioriteteve kyçe me qëllim hapjen e negociatave për anëtarësim në BE.

Një vëmendje e veçantë iu kushtua edhe situatës së fundit të krijuar në Shqipëri. Në takim u nënvizua rëndësia e ruajtjes së maturisë politike, sjelljes paqësore dhe demokratike si parakusht për arritjen e objektivit kombëtar të hapjes së negociatave për anëtarësim gjatë këtij viti.

Ministri në detyrë Cakaj dhe Raportuesi për Shqipërinë pranë Parlamentit Evropian, Fleckenstein ranë dakord për rëndësinë e vijimit të reformave dhe nevojën e angazhimit të të gjithë aktorëve në interes të avancimit të Shqipërisë drejt hapjes së bisedimeve të anëtarësimit.

Adresa

Adresa e Misionit
30, Rue Tenbosch,
1000 Bruxelles

Tel / Fax

Tel. +32 2 640 3544
+32 2 644 3329
Fax. + 32 2 640 31 77
Emergency Tel. 0032488026890

E-MAIL

mission.eu@mfa.gov.al

Orari zyrtar

E hënë- E premte
09:00 - 17:00