E nderuar zonja Federica Mogherini,
I nderuar zoti Hahn,
Dua të theksoj se Shqipëria është në një proces të fillimit të reformave dhe dua gjithashtu të shpreh falënderimin dhe mirënjohjen tonë për të gjitha vendet anëtare të cilat kanë ndihmuar Shqipërinë në këtë betejë të vështirë.  Në të njëjtën kohë dua të siguroj, Komisionerin, Bashkimin Evropian dhe shtetet anëtare se ne jemi shumë të vendosur për të vazhduar në këtë betejë. Tani do doja të vazhdoja në gjuhën shqipe.

Ministri për Evropën dhe Punët e Jashtme, Ditmir Bushati, prezantoi sot para Komisionit për Politikën e Jashtme, projekt-buxhetin e vitit 2019. Gjatë fjalës së tij, Ministri Bushati theksoi se ky buxhet reflekton përparësitë e politikës së jashtme, procesin përgatitor për fillimin e bisedimeve për anëtarësim në BE, intensifikimin e diplomacisë ekonomike si dhe përmirësimin e shërbimeve konsullore për shqiptarët që jetojnë jashtë atdheut.

Në datat 20-21 Tetor 2018 u organizuan në Danimarkë “Ditët e Kulturës shqiptare”, të cilat kulmuan me aktivitetin përmbyllës të datës 21 Tetor 2018 të zhvilluar në Komunën e Herlevit. Krahas Ambasadës shqiptare, ky aktivitet u organizua në bashkëpunim me Ministrinë e Diasporës dhe Investimeve Strategjike të Kosovës dhe Radiotelevizionin Zëri i Kosovës në Danimarkë (RTVZik), si dhe me mbështetjen e kujdesin e Komunës së Herlevit.

U çel në mjediset e Universitetit të Arteve, në prani të Ministrit për Evropën dhe Punët e Jashtme Ditmir Bushati, Ministres së Kulturës Mirela Kumbaro, Ambasadores së Delegacionit të BE-së në Shqipëri Romana Vlahutin, trupit diplomatik të akredituar në Shqipëri dhe shumë të ftuarve të tjerë nga fusha e artit dhe kulturës, edicioni i 4-rt të konkursit të fotografisë dixhitale #ColoursofAlbania2018, nën moton “Trashëgimia kulturore dhe përkatësia evropiane”, e cila përkon me lajtmotivin e Bashkimit Evropian për vitin 2018.