Articles

AMBASADORI ILIRIAN KUKA MBAJTI NJË FJALË NË SEMINARIN MBI ZGJERIMIN E BE-së

Albanian

Maj 2022- Ministria e Punëve të Jashtme e Republikës Çeke organizoi seminarin me titull “Zgjerimi i BE-së – ia vlen përpjekja”, me rastin e 18-vjetorit të anëtarësimit të Republikës Çeke në Bashkimin Evropian. Fjalën e hapjes e mbajti Ministri i Jashtëm i Çekisë Jan Lipavsky.

Shqipëria u përfaqësua në këtë seminar nga Ambasadori Ilirian Kuka, i cili mbajti një fjalë mbi procesin aktual të zgjerimit të BE-së, si dhe qëndrimet e vendit tonë mbi ecurinë e procesit.

AMBASADORI KUKA NDOQI SHFAQJEN E FILMIT TË REGJISORES NGA KOSOVA

Albanian

Maj 2022-Ambasadori Ilirian Kuka, së bashku me Ambasadoren e Kosovës në Pragë znj. Albesiana Inerhysaj, morën pjesë  në shfaqjen e filmit "Vera Andrron Detin" të regjisores nga Republika e Kosovës, Kaltrina Krasniqi, e cila po merr pjesë në Festivalin e 29-të Ndërkombëtar të Filmit në Pragë, FebioFest.

Festivali Ndërkombëtar i Filmit në Pragë - Febiofest është ngjarja më e madhe e filmit në Republikën Çeke dhe festivali i dytë më prestigjioz në vend. Në këtë Festival u paraqitën më shumë se 90 filma bashkëkohorë nga e gjithë bota.

AMBASADORI KUKA I FTUAR NË DREKËN E PUNËS MBI BALLKANIN PERËNDIMOR

Albanian

Maj 2022- Ambasadori Kuka mori pjesë në drekën e punës të organizuar nga Ambasadorja e Sllovenisë në Pragë Tanja Strniša me ambasadorët e gjashtë vendeve të Ballkanit Perëndimor. Në takim morën pjesë edhe ambasadorët e Suedisë, Austrisë, Kroacisë dhe Holandës, ndërsa i ftuar nderi ishte Zv. Ministri i Jashtëm i Çekisë z. Aleš Chmelar.

MBI RREGJIMIN E HYRJES NË SHQIPËRI

Albanian

Prill 2022-Ambasada Shqiptare në Pragë njofton mbi regjimin e hyrjes në Republikën e Shqipërisë

Duke filluar nga data 1 maj 2022, për të udhëtuar drejt Shqipërisë, si në rrugë detare, tokësore apo ajrore, nuk kërkohet asnjë dokument specifik në kushtet e Covid-19.

SHFAQET NË PRAGË PREMIERA E FILMIT SHQIPTAR “DY LUANË DREJT VENECIAS”

Albanian

Prill 2022-Ambasada Shqiptare në Pragë në bashkëpunim me studion producente çeke "Blue Hill Pictures" organizoi shfaqjen e premierës së filmit shqiptar “Dy Luanë drejt Venecias”, me skenar dhe regji nga Jonid Jorgji dhe aktorët shqiptarë Kastriot Çaushi dhe Vasjan Lami.

Të pranishëm në shfaqje ishin ambassadorë dhe anëtarë të misioneve diplomatike, anëtarë të komunitetit shqiptar, drejtues të kompanive kinematografike, etc. Të ftuar ishin edhe regjisori i filmit Ionid Jorgji dhe aktori kryesor Vasjan Lame.

AMBASADORI KUKA MORI TAKIM ME DEPUTETIN ZENĺŠEK

Albanian

Prill 2022- Ambasadori Ilirian Kuka, me kërkesë të tij, mori takim me Kryetarin e Komitetit të Punëve të Jashtme të Dhomës së Deputetëve,Marek Zeníšek (TOP 09).

Qëllimi i takimit ishte avancimi i Shqipërisë në rrugën e evropiane dhe mënyra se si mund të marrë përsipër pala çeke promovimin e arritjeve të Shqipërisë me partnerët e saj të BE-së.

AMBASADA SHQIPTARE NJOFTON HEQJEN E TË GJITHA MASAVE PËR HYRJEN NË REPUBLIKËN ÇEKE

Albanian

Prill 2022-Duke filluar nga data 9 prill 2022, Ministria e Shëndetësisë e Republikës Çeke njofton se ka anuluar të gjitha masat që kanë qenë në fuqi kundër pandemisë së COVID-19, në lidhje më hyrjen në vend. Sipas këtij vendimi të fundit, udhëtarët nga Shqipëria do të mund të udhëtojnë vetëm me pasaportë, siç ishte përpara hyrjes në fuqi të masave shtrënguese.

Sipas këtij vendimi të fundit udhëtarët nga Shqipëria, që kanë leje qëndrimi në Republikës Çeke do të mund të kthehen , siç ishte përpara hyrjes në fuqi të masave shtrënguese.

AMBASADORI ILIRIAN KUKA PRITI NË NJË TAKIM NJË DELEGACION TË MINISTRISË TË TRANSPORTEVE DHE NAVIGACIONIT AJROR TË ÇEKISË

Albanian

Mars 2022-Ambasadori Ilirian Kuka priti në një takim Drejtorin e Marrëdhënieve Ndërkombëtare dhe të BE-së në Ministrisë së Transportit Michael Fridrich, Drejtorin e Aviacionit Civil në Ministrisë së Transportit, Zdeněk Jelinek dhe Drejtorin e Strategjive në Shërbimin e Navigacionit Ajror, Lubos Hlinovsky. Qëllimi i takimit ishte forcimi i marrëdhënieve në fushën e aviacionit civil në mes dy vendeve tona, rritja e bashkëpunimit ndërmjet institucioneve në funksion të përmirësimit të shërbimeve për qytetarët çekë dhe shqipëtarë.

BASHKËBISEDIM I AMBASADORIT KUKA ME STUDENTË

Albanian

Mars 2022-Ambasadori Ilirian Kuka zhvilloi një takim me studentë çekë të cilët do të përfaqësojnë Shqipërinë në Student Summit UN, NATO, EU Model që do të zhvillohet në Pragë Studentët zhvilluan një bashkëbisedim dhe u informuan për prioritetet e diplomacisë Shqiptare, tolerancën fetare, diversitetin dhe përfshirjen e grave në nivelet më të larta të qeverisjes në Shqipëri. Ambasadori vlerësoi pozitivisht nivelin e lartë të informimit dhe dëshirës së studentëve për t’u përfshirë dhe ndikuar në politikat ndërkombëtare dhe i uroi atyre suksese të mëtejshme në karrierën akademike.

AMBASADORI ILIRIAN KUKA U TAKUA ME KRYETARIN E GRUPIT PARLAMENTAR TË PARTISË ODS-se, DEPUTETIN MAREK BENDA

Albanian

Mars 2022- Ambasadori Ilirian Kuka mori takim me Kryetarin e Grupit parlamentar të ODS-së, Marek Benda. Gjatë takimit u bashkëbisedua mbi zhvillimet e fundit në Evropën Lindore dhe agresionin rus mbi një vend sovran, si dhe mbi komplikimet që mund të sjellë kjo në zhvillimet politike dhe ekonomike në Evropë e më gjerë. Palët e dakordësuan për rritjen e shkëmbimeve parlamentare dhe bashkëpunimit dypalësh.

Pages

Adresa

Ambasada Shqiptare
Praha 1, Sněmovní 173/9
PSČ 118 00
Czech Republic

Tel / Fax

Tel: +420 233 370 594
Fax: +420 233 313 655
Numri i emergjences:
+420 775 041 553

E-MAIL

embassy.prague@mfa.gov.al

Orari zyrtar

E hënë- E premte
09:00 - 17:00