Ambasadorja Donika Hoxha zhvilloi një intervistë për Code Health TV për promovimin e Shqipërisë si destinacion turistik. Gjatë 40 minutave, Ambasadorja Hoxha vuri theksin te natyra, riviera shqiptare, çmimet e përballueshme krahasuar me vendet e rajonit, kulinaria dhe mikpritja shqiptare. Sipas saj, Shqipëria ofron gjithçka, thjesht duhet dëshirë për ta eksploruar dhe për të shijuar disa ditë pushimi ndryshe.
 

Në Ditën Ndërkombëtare të Përkujtimit të Holokaustit përkujtojmë tragjedinë e Holokaustit në mënyrë që të ndodhë më asnjëherë! Në këtë ditë, ne kujtojmë që të gjithë kemi muindësi zgjedhjeje dhe ne zgjedhim të jemi drita në errësirë ashtu ​​siç bënë shumë shqiptarë gjatë Luftës së Dytë Botërore duke vendosur jetën e tyre në rrezik për hebrenjtë. Shqipëria doli nga tmerret e Holokaustit si i vetmi vend me një popullsi më të madhe hebreje sesa kishte para Luftës së Dytë Botërore.
 

Luftimi i pandemisë Covid-19 dhe shqyrtimi i masave dhe politikave, që duhen marrë për të mbështetur sistemin e kujdesit shëndetësor ishin në fokus të takimit të Ambasadores Donika Hoxha me Ministrin e Shëndetësisë, Kostadin Angelov. Shqipëria dhe Bullgaria ndajnë të njëjtat qëndrime për këto çështje dhe shpresojnë që bashkëpunimi i frytshëm të thellohet edhe më tej në të ardhmen.
 
Të dy vendet po përballojnë mirë të gjitha sfidat e shkaktuara nga pandemia Covid-19.
 

Ekspozita “Beautiful Albania” është hapur më 16 nëntor në parkun Gradska Gradina në qendër të Sofjes nga Ambasada shqiptare në Sofje në bashkëpunim me Bashkinë e Sofjes dhe Agjencinë Shqiptare të Turizmit. Ekspozita është pjesë e festimeve për festën kombëtare të Shqipërisë më 28 nëntor dhe do të qëndrojë e hapur për publikun deri në fund të muajit nëntor. Përmes 28 fotove, publiku do të ketë mundësinë të shijojë një pjesë të historisë, kulturës, trashëgimisë dhe bukurive natyrore të Shqipërisë.